我地雖然熱愛沙灘排球, 但亦都會積極參與本地體育盛事. 好似今年渣打馬拉松, 我同waiwai都有參加. 佢就跑左十公里挑戰賽, 而我就跑左全程馬拉松. 十公里賽由天后開始, 到筲箕灣折返到維園. 全程馬拉松為42.195公里, 由尖沙咀跑到青馬大橋, 再跑到汀九橋折返.

我地都能順利完成賽事, 而且感受到香港人對運動的熱誠, 一方面參加人數再破紀錄; 另一方面, 在回程到灣仔及銅鑼灣時, 大批市民在馬路兩旁為跑手打氣及歡呼. 希望大家都繼續支持本地運動, 積極參與各項體育盛事及比賽.

3月底, 我地到了黃金海岸參加第14屆全港公開沙灘排球錦標賽決賽日.

星期六, 我同waiwai出戰男子組賽事. 雖然waiwai在練習中受傷, 但戰意一流, 在準決賽及決賽都非常集中精神. 我地在決賽中與ALPS 1打得非常激烈. 在落後一局下, 我地無放棄比賽, 在餘下時間更集中去表現自己, 結果成功贏得冠軍,

女子組方面, 由於Sonia在亞運後療傷, Clara伙拍潛力無限既青年隊隊員芷茵比賽. 憑藉兩人既個人技術及體能, 彌補默契. 雖然係四強賽落敗, 但贏得季軍賽事.

希望Sonia早日康復, 與Clara繼續比賽. 亦希望大家繼續支持我地, 為香港沙灘排球努力.

在10月中，我們四人前往印尼大約兩星期參加亞洲沙灘排球巡迴賽。經過兩個多月密集式訓練，在體能及技術上都有一定提升。今次的比賽我們定下的目標是要發揮練習所得的技術，及為亞運會備戰。

雖然發揮未算理想，但可在亞運會前發現問題，讓我們在練習時針對問題再集中改善，希望到亞運會時可以發揮得更好，為香港爭取更好的成績。

比賽期間不忘也輕鬆一下，到處拍照留念

香港沙灘排球巡迴賽2010終於係7月25號於屯門黃金海岸泳灘揭幕，嘉賓有解渴誌創辦人黃志奇先生及香港排球總會總幹事張治威先生，仲有 Clara、Sonia、Wai 同埋我 (Rio)出席。

今次揭幕禮吸引很多傳媒界及攝影的朋友，令場面非常熱鬧，亦可以宣傳沙灘排球運動，吸引更多香港市民接觸這項運動。

除此以外，當天還正式宣佈我哋會代表香港出戰在11月舉行的廣州亞運，男女子隊既目標都放係頭8名，希望大家會支持我哋，為香港運動員打氣!

您好，我係Rio，香港男子沙灘排球亞運代表隊隊員。我會o係度分享一o下2010年亞運比賽o既點滴。